قصيدة توصف الدنيا

سرورك ما بتم عاقباهو ديمة الفجعة
وظاهرك لينا سكر الا طعمك وجعة
كم طفشتي مرتاح وقلبو مابي الهجعة
روحو تشابي وانت قطعت خط الرجعه
.....
تقابلك عروس تعشق معاني رقيصه
تملاك بالمحبة وتمشي نازله نقيصه
ما يغريك دلاله وتوب جمال بلقيسه
عاين للقبور وبعدين سماحته بتقيسه
...
بتقابلك جنينة تمتعك بي ثماره
وترقد في امانا وتنهمك بعمارا
باكر تبقى ليك حنضل تشوفو دمارا
تسحب منك .... وتدق مسماره
...
زولاً شاف رقاد العبروهو مشبر
والزول البرص فى الطوب ووشو مغبر
إتأكد دة بكرة مصير غير إتكبر
إنسى الموت والمال والبنون إتبتر
...
دى الغدارة دى الحقارة دى العقارة
كم قلبت زغاريد عرسه بي نقارة
أعلِنا بالحرب قبال تشب الغارة
وقبل الروح تغرغر وتبقى في الغرغارة
...
إتغشينا بي حبك لبسنا عباية
يا موية الرهاب الما ملت كباية
عجيب يا دنيا أمرك الا نحنا غباية
عاشقين الجمال في لمعة الحرباية

سأصبر حتى يمل الصبر من صبـري***وأصبر حتى يأذن الله في أمري
وأصبر حتى يعلم الصبرأنى صبرت***على شيئ أمر من الصبر

مشكور جداً على هذه القصيدة المعبرة

العفوا ومشكووور على ردك تسلم والله

الله يسلمك ويعطيك العافية

عدد الرسائل : 1 العمر : 37 تاريخ التسجيل : 02/07/2012

مشكور على هذه القصيدة ذات المعاني الجميله